الفنون جنون

السلام عليكم

أنا عضوة جديدة بالموقع بتمنى انكم تقبلوني صديقة بينكم
أنا لاطالبة فنون ولا آنسة ولا دارسة اي شيئ عن الفنون أنا مجرد هاوية
وانا أحب الرسم من انا وصغيرة وعندي اعمال من الصف الأول بعدني محتفظة بها إلى الآن
وقررت اعرض بعض اعمالي الجنونية...وحبيت ابدأ بآخر شي عملتو ...
وهدول بعد سهرات طويلة عالسطح اكتشفنا انو سطحنا كئيب وممل فقررت اعمل شي فني ليغير الوضع ...وخليت اخواتي الشباب يبدو بوش طرش وجبت دهان زياتي بالالوان الاساسية وبلشت وتركت خيالي يسرح ... وحبيت حسس اهلي انو قاعدين بالجنينة من الألوان
وهيك طلع معي وياريت تنوروني بآرائكم





شو رأيكم ؟

اول شي اهلا وسهلا فيكي يا غصون بيناتنا........
تاني شي.....شوهاااااااااد لك كتير حلوين انا صحيح بدرس بس بخاف اذا قربت عالحيط انزعوا او ساوي شي اكل اتلة
هههههههههههه

بس عنجد روعة ولو بتحاولي تدربي عالتقنيات تبع الرسم بشكل دراسي يعني مثلا انك تدرسي المنظور رح يطلع معك شغل
بيجنن اكتر من هيك.... .....جهزي حالك اذا قنعت اهلي بجيبك نتعاون لنساوي اسطوح بيتنا

واو فكرة كتير حلوة هي هيك السطح كيف بيكون البيت من جوا متمنالك التطور لابداعك واهلا بهل عينتين

لك اي شو هاد اي شو هالحلاوة الله يعطيكي ألف ألف عافية على هذا العمل الجميل انا بتمنالك التوفيق وبتمنى تستمري بالمنتدى وتثابري وتفرجينا إبداعاتك الحلوة ومتل ما قال صديقنا العميد أنو لو بتدرسي المنظور رح تكون اعمالك في غاية الجمال ... تحياتي

اول شي اهلا وسهلا فيكي بلمنتدى
تانيا انا بهنيكي جد ع شجاعتك وذكرتيني لما كنت عم دهن بيتنا من شي نص سنة وغرقانة بلطرش كنت عم اطرش الحمام وفجاة حبيت اعمل زخرفة نباتية بلشت فيها بلون خفيف بس بعدين خفت اكلي خناقة ف شلتها ومسحتها لانو متل ما بتعرفي بس ينشف الزيتي ع الطرش ما بقى يروح منوب منوب ودهنت فوقها طرش هههههههه


بلنسبة انك بلتحبي الرسم بنصحك انك تروحي تسجلي بمعهد ادهم سماعيل للرسم بابو رمانة


وبلنسبة لرسمات الطفولة يلي محتفظة فيهن بركي تظبطيهن بشي موضوع

وتعرضيلنا ياهن

أول شي شكرا كتير عالترحيب
وتاني شي يمكن انا يلي شجعني انو واثقة اني مالح أكل خناقة لأنو شو ماخبصت أكيد لح يكون أحسن من منظرو قبل وأهلي كمان كان عندهم ثقة فيني إنو بيطلع معي شي مع انو اول مرة بمسك فرشايةوبالنسبة للمعهد شو هو وشو بقدر اعمل فيه اشرحيلي عنو اكتر ورسمات الطفولة مو كلها بتبيض الوش بقى بلاها احسن بس ترقبي اعمالي القادمة قريبا انشاء الله
وشكرا مرة تانية لردك وبتمنى تقبليني صديقة

العميد كتب:اول شي اهلا وسهلا فيكي يا غصون بيناتنا........
تاني شي.....شوهاااااااااد لك كتير حلوين انا صحيح بدرس بس بخاف اذا قربت عالحيط انزعوا او ساوي شي اكل اتلة
هههههههههههه

بس عنجد روعة ولو بتحاولي تدربي عالتقنيات تبع الرسم بشكل دراسي يعني مثلا انك تدرسي المنظور رح يطلع معك شغل
بيجنن اكتر من هيك.... .....جهزي حالك اذا قنعت اهلي بجيبك نتعاون لنساوي اسطوح بيتنا

شكرا اخي العميد على ترحيبك فيني بموقعكم
انا بتمنى لو اني متعلمة تقنيات الرسم منشان ادعم الموهبة بالتقنية بس متل مابقولو عم جود بالموجودومنشان اسطوحكم تكرم على عيني وراسي جهز العدة وخبرني ماباخد منك كتير عالمتر ألف بس
هههههه

أبو الوليد كتب:لك اي شو هاد اي شو هالحلاوة الله يعطيكي ألف ألف عافية على هذا العمل الجميل انا بتمنالك التوفيق وبتمنى تستمري بالمنتدى وتثابري وتفرجينا إبداعاتك الحلوة ومتل ما قال صديقنا العميد أنو لو بتدرسي المنظور رح تكون اعمالك في غاية الجمال ... تحياتي

أخي وأستاذي أبو الوليد الفضل الأول والأخير إلك لولا تشجيعك ودعمك ماكنت عم رد عليك وبهالموقع
وقريبا انشاء الله بتشوفو باقي ابداعاتي الجنونية

isra2 كتب:واو فكرة كتير حلوة هي هيك السطح كيف بيكون البيت من جوا متمنالك التطور لابداعك واهلا بهل عينتين

شكرا جزيلا وترقبي غرفة من البيت طالعة بتجنن قريبا

مية هلا بفنانتنا غصون !!
ولاء شو فايتة بقوة من الاول !!
شو هل الحلا كله يا غصون ؟؟؟
ناطرين ابداعاتك التانية قريبا

تحياتي

[quote="see my jop"]مية هلا بفنانتنا غصون !!
ولاء شو فايتة بقوة من الاول !!
شو هل الحلا كله يا غصون ؟؟؟
ناطرين ابداعاتك التانية قريبا

تحياتي [/quot
شكرا جزيلا هاد من زوقك انشالله قريبا يارب

مشالله والله شي كتيييييييير حلوووو

حبيت تنسيق الرسومات .. أنو بالاماكن يلي ضيقة شوي رسمتي وروود .. وبالحيط الكبير رسمتي البحرة والنخلات .. كتير عاطية اتساع للمكان وناجحة بشكل كبيييير معك

أكتر شي حبيت الرسمة يلي على أول حيط .. النافورة مع النخلات والوردات .. كتير تناسقهم حلو وألوانهم ناعمة

منورة الموقع أكيد .. ويا ميت أهلا وسهلا فيكي بالموقع