بحر الأطفال

السلام عليكم ورحمة الله وبركاته

أصداقي الاعزاء لكل الاصدقاء يلي وعدتهم اني قدملهم عملي التاني هي أنا وفيت بوعدي وهي غرفة الاولاد يلي اشتغلتها من شهرين ... وسميتها بحر الاطفال لأنو الاولاد وهنن بالغرفة بحسو حالهم قاعدين بقلب البحر متل ماهنن طلبو .... شوفو الصور وأعطوني آرائكم ...



مشكورين على ردودكم إن كانت إيجابية أو سلبية

صديقتكم الجديدة غصون

الله يعطيكي العافية حياتي غصون

اول شي واضح انو رسمك تحسن كتير عن اول مرة من التصميم من الاحجام ومن تناسب الالوان بهنيكي درجة الزراق كتير حلو والاسماء احجامها مناسبة واشكالها كتير ظابطة واللون الاصفر يلي ضايفتيه كتير عاطي جمالية للمنظر


الله يهني الاطفال بها الغرفة
شي بجنن يعطيكي العافية

Mayson كتب: الله يعطيكي العافية حياتي غصون

اول شي واضح انو رسمك تحسن كتير عن اول مرة من التصميم من الاحجام ومن تناسب الالوان بهنيكي درجة الزراق كتير حلو والاسماء احجامها مناسبة واشكالها كتير ظابطة واللون الاصفر يلي ضايفتيه كتير عاطي جمالية للمنظر


الله يهني الاطفال بها الغرفة
شي بجنن يعطيكي العافية

عزيزتي ميسون بشكرك كتير على دعمك المعنوي وما بتصدقي قديش بهمني رأيك وبنبسط كتير بإهتمامك
وانشالله شي يوم منشوف ابداعاتك انت بغرفة لأولادك بدون ماتاكلي خناقة من حدا هههه

العميد كتب:لك شو هاد عنجد كتيييييييييييييير حلو
بهنيكي على هالشغل لك كتير كتير ناجح من حيث المبدأ
هلق ليكي اذا انتي بتشتغلي هاد النوع من الشغل
بنصحك انك تحاولي تستخدمي دهان بلا لمعة او لمعة خفيفة
تاني شي تطوري هالشغلة عندك بحيث تشوفي الشغلة ثلالثية الابعاد متل الصور يلي رح ارفقهون بالرد
واخر شي الألوان تحاولي تاخدي الوان متناسقة كتير مع بعض
كمان بالاعتماد على مبدأ الدائرة اللونية(الوان متممة...الخ)
كل هاد الشي بيخليكي تطوري ويصير هاد الفن فنك الخاص والك طابع خاص فيكي
ولأي مساعدة انا جاهز



لاحظي انو بأضافة اللمعات ووضع طبقة تانية من اللون بمكان معين تغيرت الصورة وصرنا نحسها ثلاثية الابعاد

مشكور كتير على الرد وكتير مبسوطة بملاحظتك واكيد كتير بتفيدني بس هاد الشي يلي حبيت وضحو بموضوعي الاول انو انا بعرف ارسم بس افتقر للتقنيات يلي بتمنى لو اني متعلمتها وأكيد بدعمك ودعم الاصدقاء بتحسن وبتطورانشالله وفي مشروع تسجيل بمعهد بس لساتو قيد التفكير والدراسة

يعطيكي ألف عافية غصون على هاد العمل الفني الرائع للجدران في غرفة الأطفال .. عنجد كتير حلو ... يعني انا بهنيكي من كل قلبي لانو بجد متعوب عليه ... وأكيد لازم تتعلمي تقنيات الرسم درجات الألوان كلها ... بيطلع معيك شغل كتير رائع ... نقطة ثانية لو مثلاً سويتي حركة بالزوايا زخرفة نباتية اذا كان ممكن ... وتحياتي

ما شاء الله لازم الواحد يدء عل الخشب
كتيييييييير حلو

neno كتب:ما شاء الله لازم الواحد يدء عل الخشب
كتيييييييير حلو

شكرا جزيلا للإهتمام وانشالله بدي ورجيكم بعد فترة قريبة لوحات خشب بس مو لتدقو عليها لتتفرجو وتعطوني رأيكم يلي أكيد كتير بهمني

مشالله .. كتيير حلوووو

اتمنيت كون ولد زغير وهي غرفتي



أكتر شي حبيت نجمة البحر.. طالعة كأنها نافرة .. كتير حبيتها

l.w.s كتب:مشالله .. كتيير حلوووو

اتمنيت كون ولد زغير وهي غرفتي



أكتر شي حبيت نجمة البحر.. طالعة كأنها نافرة .. كتير حبيتها

شكرا شكرا لاهتمامك ورأيكم انا بنطرو وكل يوم تقريبا بفوت بس لشوف مسهماتكم الممتعة وخصوصي انتو الاعضاء القدامى وبتمنى صير منكم وبتمنى منك انك تشوف موضوعي الفنون جنون وتعطينك رأيك فيه وبكون ممنونتك كتيييييييييير